كريب النوتيلا بالموز

اليوم مسويه كريب خفيف بحشوه النوتيلا والموز رووووعه

صارلى 3 ايام زوجى ماياكل غيره  عجبه حييييل وطبعا بتغيرون الحشوه

مره قشطه وعسل ومره مربى ومره نوتيلا وهكذا

الطريقه خذيتها من منتدى اخر والوصفه للعضوه لا تحزنين

والمقادير موجوده بكل بيت وحدددددها سهله ومضبوطه ان شالله

بسم الله

بالخلاط

2 بيضه + ملعقه طعام سكر + رشه فانيلا + نتفه ملح + كوب وربع حليب شرب سائل+ كوب دقيق


اول شى تحطون بالخلاط كل المقادير ماعدا الدقيق وتضربونها عدل حوالى 10 ثوانى





وبعدها تضيفين كوب الدقيق وتضربي عدل عشان لا يكتل






وبكذا الخليط جاهز مافى ابسط منه صح


بجيب مقلاه تيفال واحط نتفه زيت او زبده وافردها بالملعقه على كامل المقلاه

واحميها عدل مدل وهالخطوه تسوينها مع كل كريب يعنى كل ماتخلصى كريب

تعيدى وتحطين زيت وترجعى تسوين كريب مره ثانيه عرفتو





بضيف الخليط بوسط المقلاه واهو بينفرد من نفسه بس لا تكثرون لاننا نبيه رفيع مو سميك





بعد ما يتحمر من تحت اقلبه على الوجه الثانى





وبعدها اخرجه على اى مصفاه حق المكرونه عشان يتهوى شوى ومايعجن





وبعد ما اسوى الكميه احشيها باللى ابيه وانا سويت حقى بالنوتيلا والموز






وبعدها تلفينها بالهشكل





وهذا شكلها من الداااااااخل










وان شالله تعجبكم وتكون الوصفه سهله



ملحووووووووووووظه

لا تحطون جميع المقادير بالخلاط مره واحده لانى سويتها والدقيق تكتل وكل الخليط

انكب

فمثل ماقولت اضربو الخليط بالاول بدون دقيق وبعدها ضيفو الضيق واضربو فورا